સોનગઢના મેઈન બજાર વિસ્તારમાં આવેલ પાન-ગલ્લાની બંધ દુકાનમાં આજરોજ આગ લાગતા દુકાનનો માલ-સામાન સ્વાહા થયો હતો. દુકાનમાંથી ધુમાડો નીકળતા પાડોશી દુકાનદારોએ માલિકને જાણ કરી આગ બુઝાવવાની કોશિશ કરી હતી. 

બનાવની જાણ સોનગઢ પાલિકાના ફાયરના જવાનોને થતા ઘટના સ્થળ પર દોડી જઇ આગ ઉપર કાબુ મેળવ્યો હતો. ફાયર ઓફિસરે જણાવ્યું હતું કે, આગનું પ્રાથમિક કારણ શોટસર્કીટ છે. દુકાન બપોરે બંધ હતી. તે અરસામાં આગ લાગી હતી. પાન-ગલ્લાની દુકાનનો માલ સામાન સંપૂર્ણ બળી ગયો હતો. જોકે આ બનાવમાં કોઈ પણ પ્રકારની જાન હાની પહોચી નથી.(ફોટો,યુવરાજ પ્રજાપતિ-સોનગઢ)