સોનગઢના ઘાંચીકુવા ગામના દાદરી ફળિયામાં મંજુરી વિના લગ્ન યોજનાર આયોજક સામે જાહેરનામા ભંગનો ગુનો નોંધી પોલીસે કાયદેસરની કાર્યવાહી હાથ ધરી હતી.

 

 

 

 

જાણવા મળતી વિગત મુજબ સોનગઢ પોલીસના સ્ટાફના માણસો મંગળવારે મોડીરાત્રે બંધારપાડા આઉટ પોસ્ટ વિસ્તારમાં પેટ્રોલિંગના હતા અને જીલ્લા મેજીસ્ટ્રેટના જાહેરનામાંનો ભંગ ન થાય તે સારું લગ્ન પ્રસંગમાં ચેકિંગમાં નિકળ્યા હતા. તે દરમિયાન ઘાંચીકુવા ગામના દાદરી ફળીયામાં યોજાયેલ લગ્ન પ્રસંગમાં 50 થી વધુ 100 જેટલા માણસો ભેગા થઇ જાહેરનામાનો ભંગ કરતા નજરે પડ્યા હતા.

 

 

 

 

પોલીસે આ બનાવમાં લગ્નનું આયોજન કરનાર શંકરભાઈ મોવલિયાભાઈ ગામીત સામે ઓન લાઈન મંજુરી વિના લગ્ન પ્રસંગ યોજી,સોશિયલ ડિસ્ટન્સ ન જાળવી તેમજ માસ્ક પણ પહેરેલ ન હોય, જાહેરનામાનો ભંગનો ગુનો નોંધી કાયદેસરની કાર્યવાહી હાથ ધરી હતી.