તાપીમિત્ર ન્યુઝ,ઉકાઈ:સોનગઢ તાલુકાના ઉકાઈના પાથરડા વિસ્તારમાં તા.૪-ડીસેમ્બર નારોજ ખેતર ખેડવા મુદ્દે થયેલી બોલચાલીમાં કુહાડી વડે હુમલો કરવામાં આવ્યો હોવાનો બનાવ ઉકાઈ પોલીસ મથકે ફરિયાદને આધારે રજીસ્ટર કરવામાં આવી છે.મળતી માહિતી અનુસાર ઉકાઈના પાથરડામાં આવેલ નિશાળ ફળીયામાં રહેતા દિનાભાઇ ભીલ્યાભાઇ ગામીતની પત્ની પોતાના ખેતરમા કામ કરતી હોય તે વખતે ગુલ્યાભાઇ ઉર્ફે ગુલાબભાઇ રામાભાઇ ગામીતે દિનાભાઇની પત્નીને કહેલ કે "આ ખેતર હવે અમે ખેડવાના છે.તમે આ ખેતરમા હવે આવશો નહી"એવું કહિ ગાળા ગાળી કરતા દિનાભાઇ ગામીત તેને સમજાવવા માટે જતાં હોય તેવેળાએ માથાનાં ભાગે કુહાડી મારી તથા વસંતભાઇને ડાબા હાથનાં બાવડાનાં ભાગે ઉંધી કુહાડી મારી ઇજા પહોંચાડી હોવાની ફરિયાદ દિનાભાઇ ભીલ્યાભાઇ ગામીત રહે.પાથરડા નિશાળ ફળીયુ તા.સોનગઢ નાએ ઉકાઈ પોલીસ મથકે કરી હતી જેમની ફરિયાદને આધારે ગુલ્યાભાઇ ઉર્ફે ગુલાબભાઇ રામાભાઇ ગામીત રહે.પાથરડા નિશાળ ફળીયુ તા.સોનગઢ વિરુધ્ધ ગુન્હો રજીસ્ટર કરી આગળની વધુ તપાસ હેડકોન્સટેબલ રણજીતભાઇ ગુલાબભાઇ કરી રહ્યા છે.