તાપીમિત્ર ન્યુઝ,ડોલવણ:ડોલવણ ગામ પાસે આવેલ રાજેશ સ્ટોન ક્વોરીના જવાના રસ્તા ઉપરથી એક બોલેરો પીકઅપ ગાડી ઝડપી પાડી હતી.જેમાંથી વિદેશી દારૂની 456 બોટલ જેની કિં.રૂ.28,800/- તેમજ પીકઅપ મળી કુલ્લે 1,78,800/-નો મુદ્દામાલ ડોલવણ પોલીસ દ્વારા કબ્જે કરવામાં આવ્યો છે. મળતી માહિતી અનુસાર ડોલવણ પોલીસે તા.23મી ઓગષ્ટ નારોજ સાંજ ના સમયે આશરે 6:45 કલાકાના અરસમાં બાતમીના આધારે વિદેશી દારૂ ભરીને પસાર થતી બોલેરો પીકઅપ નંબર જીજે-5-બીયું-6894 ને અટકાવવાનો પ્રયાસ કરતાં ચાલકે પોતાના કબ્જાની ગાડી રાજેશ સ્ટોન ક્વોરી તરફ હંકારી ગયો હતો પોલીસે પીછો કરતાં ચાલક ગાડી રસ્તા ઉપર મૂકી ખેતરાળી વિસ્તારમાં નાસી છૂટ્યો હતો.પોલીસે ગાડીમાં તપાસ કરતાં અલગ અલગ બ્રાન્ડની વિદેશી દારૂની 456 બોટલ કિંમત 28,800/- તથા બોલેરો ગાડીની કિંમત 1,50,000/- મળી કુલ 1,78,800/- નો મુદ્દામાલ કબ્જે કર્યો હતો.બનાવ અંગે હેડકોન્સ્ટેબલ રતિલાલ કેસાભાઈએ ફરિયાદ કરી હતી.આગળની વધુ તપાસ ડોલ વણ પોલીસ સ્ટેશનના પીએસઆઈ કે.એમ.છાસિયા કરી રહ્યા છે.