તાપીમિત્ર ન્યુઝ,સોનગઢ:સોનગઢ-ટોકરવા માર્ગ ઉપર એક કારને જોરદાર અકસ્માત નડ્યો હોવાનો બનાવ સામે આવ્યો છે.માર્ગ પર એકાએક સ્વીફ્ટ ડીઝાયર ગાડીએ પલ્ટી મારી દીધી હતી.આ અકસ્માતમાં સદનસીબે કારમાં સવાર ભરૂચ વિસ્તારના એક જ પરિવારના ત્રણ સભ્યો નો આબાદ બચાવ થયો છે. સ્થાનિક સુત્રો પાસેથી મળતી માહિતી મુજબ સોનગઢ-ટોકરવા માર્ગ પર આવતું ચાંપાવાડી ગામ નજીક આજરોજ એક સ્વીફ્ટ ડીઝાયર કાર નંબર GJ-16-BG-3442 ને અકસ્માત નડ્યો હતો.જો કે સદનસીબે આ દુર્ઘટનામાં કારમાં સવાર એકજ પરિવારના ત્રણેય સભ્યો નો આબાદ બચાવ થયો છે.તે ઉપરાંત આ દુર્ઘટના ઘટવાનાં સમયે એકાએક જ ત્યાં ત્યાનાં સ્થાનિક લોકો ભેગાં થઇ ગયાં હતાં.કારમાં સવાર ભરૂચ વિસ્તારના કુંજનભાઈ બી.પટેલ પરિવાર સાથે ડાંગ જીલ્લાના સુબીર નજીક બદીનાગાંવઠા ગામના વૈદ પાસે જઈ રહ્યા હોવાનું જાણવા મળ્યું હતું.આ મામલે અત્યારસુધી કોઈ પોલીસ ફરિયાદ નોંધાઈ નથી.