ભરૂચ નેશનલ હાઈવે નંબર ૪૮ પર સેગવા-વરેડીયા ચોકડી નજીક અકસ્માતમાં ટ્રેલર ચાલકે ગાયોના ટોળાને અડફેટે લેતા ૬ ગાયોના મોત થતાં ચકચાર મચી ગઈ હતી. જ્યારે આઠ ગાયોને ગંભીર ઈજા થઈ હોવાનું જાણવા મળેલ હતું. જયારે સાંજના સમયે બનેલી ઘટનામાં મહાકાય ટ્રેલરે ગાયોના ટોળા સાથે અથડામણ કરી હતી.

અકસ્માતમાં ૬ ગાયોના ઘટનાસ્થળે જ મોત નિપજયા હતા આ ઉપરાંત ૮ જેટલી ગાયોને ગંભીર ઈજાઓ થઈ હતી. ઘટના સમયે પશુપાલકો ગાયો સહિતના પશુઓને ચરાવીને સેગવા લઈ જઈ રહ્યા હતા. સીસીટીવી ફૂટેજમાં સ્પષ્ટ દેખાય છે કે, એક તરફ જઈ રહેલું ગાયોનું ટોળુ અચાનક ભાગવા લાગ્યુ અને ટ્રેલરની અડફેટમાં આવી ગયુ. અકસ્માત બાદ ટ્રેલર ચાલક ર ગભરાઈને વાહન મુકીને ભાગી ગયો હતો જો કે તે પછીથી પાલેજ પોલીસ મથકે હાજર થઈ ગયો હતો. પશુપાલક ગબરૂ રયાભાઈ લાંબકા ભરવાડે ટેન્કર ચાલક વિરૂધ્ધ ફરિયાદ નોંધાવી હતી. પોલીસે વધુ તપાસ શરૂ કરી હતી.(file photo)