તાપીમિત્ર ન્યુઝ,વ્યારા:વ્યારા ખાતે યંગ મુસ્લિમ ગૃપ અને શ્રીમતી લક્ષ્મીબેન ખુશાલભાઈ પટેલ રક્તદાન કેન્દ્રના સહયોગથી વ્યારા-કે.બી.પટેલ સ્કુલમાં 29મી જુલાઈ નારોજ,બ્લડ ડોનેશન કેમ્પનું આયોજન કરવામાં આવ્યું હતું.જેમાં નગર સહિત વિસ્તારના અનેક રક્તદાતાઓ મોટી સંખ્યામાં ઉપસ્થિત રહ્યા હતા.તેમજ યંગ મુસ્લિમ ગૃપ સહિત અન્ય હોદ્દેદારોએ પણ સાથ સહકાર આપ્યો હતો.આ પ્રકારના બ્લડ કેમ્પ થવાના કારણે જરૂરિયાત મંદ લોકો સુધી બ્લડ પહોંચશે.યંગ મુસ્લિમ ગૃપ દ્વારા યોજાયેલા બ્લડ કેમ્પમાં રક્તદાન કરવા માટે મોટી સંખ્યામાં લોકો જોડાયા હતા,આશરે 375 થીવધુ લોકોએ બ્લડ ડોનેટ કર્યું હતું.લોહીની જરૂરિયાત અને તેની ઉપલબ્ધી વચ્ચેના ગેપને પૂરવા બ્લડ ડોનેશન કેમ્પ દ્વારા મુસ્લિમ સમાજના યુવકોએ સમાજમાં એકતાની એક મિશાલ કાયમ કરી છે,અને ગૃપ દ્વારા સરહનીય પ્રયાસો થઈ રહ્યા છે.ત્યારે યંગ મુસ્લિમ ગૃપ દ્વારા યોજાતા આવા બ્લડ ડોનેશન કેમ્પમાં લોહીનો જથ્થો જરૂરિયાત ધરાવતા દર્દીઓને રાહતરૂપ બને છે.