તાપીમિત્ર ન્યુઝ,બારડોલી:બારડોલીના સરભોણ ચાર રસ્તા નજીક સર્વિસ રોડ પર એક કારમાં આવેલ ત્રણેક ઈસમોએ ટ્રક આંતરી ટ્રક ચાલક પાસેથી રોકડાની લૂંટ કરી ટ્રકની હવા કાઢી લૂંટારુઓ ભાગી ગયા હતાં.પોલીસને જાણ કરતાં સ્થળ પર પહોંચી હતી,અને ટ્રક પોલીસ મથકે લાવવાનું જણાવતાં ટ્રક ચાલક લઈને નીકળી ગયો હોવાનું જાણવા મળેલ છે.  બારડોલીની સરભોણ ચોકડી નજીક વ્યારા તરફ જતાં સર્વિસ રોડ પર ગત રોજ વહેલી સવારે એક ટ્રક ચાલકનો પીછો કરતી કારમાં સવાર ત્રણેક ઈસમોઓ ટ્રક આંતરી ટ્રકના ટાયર માંથી હવા કાઢી નાંખી બાદમાં ટ્રક ચાલક પાસેથી રોકડા રૂપિયાની લૂંટ કરી ભાગી ગયા હોવાની ઘટના બની હોવાનું બારડોલી પોલીસમાં જાણ કરતાં સ્થાનિક પોલીસ સ્થળ પર પહોંચી હતી.જેમાં ટ્રક ચાલકે દસ્તાન ફાટકથી ટ્રકનો પીછો કાર કરતી હોવાનું જણાવ્યું હતું.જોકે, ટ્રક પોલીસ મથકમાં લઈ આવવા જણાવતાં આખર ટ્રક ચાલક ટ્રક લઈને નીકળી ગયો હતો.જેની જાણ પોલીસમાં કરવામાં આવતા પોલીસ પણ દોડતી થઇ ગઈ હતી.