તાપીમિત્ર ન્યુઝ,ડોલવણ:દક્ષિણ ગુજરાત સહિત તાપી જિલ્લામાં અતિ ભારે પડેલા વરસાદના કારણે ગ્રામ્ય વિસ્તાર સૌથી વધુ પ્રભાવિત થયા હતા.નદી,નાળા,અને લો લેવલના કોઝવે ઉપરથી પાણી ફરી વળ્યાં હતા.જેના કારણે કેટલાક ગ્રામ્ય વિસ્તારોમાં લોકો પોતાનો જીવ જોખમમાં મૂકી કોઝવે પરથી પસાર થવા મજબૂર બન્યા હતા. તાપી જિલ્લાના ડોલવણના પીઠાદરા ગામના દાદરી ફળિયામાં રહેતા ઉમેશ હીરાલાલ ગામીત (ઉ.વ.39) નાઓ ગત 17મી જુલાઈ નારોજ સવારે 11:30 કલાકના અરસામાં પોતાના ખેતર માંથી પાછા ફરી રહ્યા હતા તે સમય દરમિયાન અંધારવાડીદૂર ગામે ચેકડેમ પરથી પસાર થતા હોય,તે વેળાએ અચાનક પાણીનો પ્રવાહ વધી જતાં પાણીના પ્રવાહમાં તણાઈ ગયા હતા,તેમની શોધખોળ બાદ અંતે તા.22મી જુલાઈ નારોજ ઓલણ નદીના કિનારેથી એક મૃતદેહ મળી આવતા સ્થાનિક પોલીસ તપાસમાં ઉમેશ ગામીત નોજ મૃતદેહ હોવાનું જાણવા મળ્યુ હતું.જેની તંત્ર દ્વારા નોંધ લેવામાં આવતા મૃતકના વારસદારો ને સહાય ચૂકવવા માટે ડોલવણ તાલુકા વિકાસ અધિકારી નાઓએ જરૂરી સાધનિક કાગળો સહ મૃત્યુ સહાય મંજુર કરવા ભલામણ સહ મૃત્યુ સહાયની દરખાસ્ત રજૂ કરતા મૃતકના વારસદારોને રૂપિયા 4 લાખની સહાય મંજુર કરવામાં આવી હતી.મૃતકના વારસદારને સહાયની રકમ ડાયરેક્ટ બેનીફીટ ટ્રાન્સફર મારફત ચુકવણી થશે.