તાપીમિત્ર ન્યુઝ,વાલોડ:વાલોડના બાજીપુરા બાયપાસ નેશનલ હાઇવે માર્ગ પર આજરોજ લોખંડના સળિયા ભરેલ ટ્રેલરને અકસ્માત નડ્યો છે,આ અકસ્માતમાં ટ્રેલર ચાલક અને ક્લીનરને ગંભીર હાલતમાં વ્યારા રેફરલ હોસ્પિટલ ખાતે 108ની મદદથી સારવાર અર્થે ખસેડવામાં આવ્યો છે. વાલોડ તાલુકાના બાજીપુરા બાયપાસ નેશનલ હાઇવે માર્ગ નંબર 53 ઉપર આજરોજ સાંજ ના સમયે લોખંડના સળિયા ભરેલ ટ્રેલર નંબર GJ-12-BT-8728 ને અકસ્માત નડ્યો છે,વ્યારા થી બારડોલી તરફ જઈ રહેલા હાઇવે માર્ગ પર અકસ્માત નડ્યો છે,ઘટનાની જાણ થતા સ્થાનિક પોલીસ અને ઈમરજન્સી સેવા 108 સ્થળ પર દોડી આવી હતી,આ અકસ્માતમાં વિષ્ણુભાઈ અને જયભાઈ ને ગંભીર હાલતમાં વ્યારા રેફરલ હોસ્પીટલમાં સારવાર અર્થે ખસેડવામાં આવ્યો હોવાનું જાણવા મળ્યું છે,અકસ્માત એટલો ગંભીર હતો કે લોખંડના સળિયા ટ્રેલરના કેબીન સુધી ધસી આવ્યા હતા,બનાવ ને પગલે વાલોડ પોલીસ પણ ઘટના સ્થળ પર પહોંચી છે,આ મામલે અત્યાર સુધી કોઈ પોલીસ ફરિયાદ નોંધાઈ નથી.