તાપીમિત્ર ન્યુઝ,સોનગઢ:નિઝર તાલુકાના સાયલા ગામ પાસે એસટી નિગમની બસ રસ્તાની બાજુમાં ઉતરી જતા પલ્ટી થઈ હતી.સદ નસીબે એસટી બસમાં માત્ર સાત જેટલા મુસાફરો હોય કોઈ જાન હાનિ થઈ ન હતી. સોનગઢ એસટી ડેપોના મેનેજર પાસેથી મળતી માહિતી અનુસાર તા.20મી જુલાઈના રોજ સાંજના સમયે સોનગઢ થી કુકરમુંડા જવા માટે ઉપડતી એસટી બસ નંબર GJ-18-Z-0385 ને નિઝરના સાયલા ગામ પાસે જોરદાર અકસ્માત નડ્યો હતો,બસ રસ્તાની બાજુમાં ઉતરી જઈ પલ્ટી થઈ ગઈ હતી.બનાવની જાણ થતાં આસપાસના લોકો દોડી આવ્યા હતા.જોકે બસમાં માત્ર સાત જેટલા જ મુસાફરો સવાર હતા જેમને શરીરે ઓછીવતી ઇજાઓ પહોંચી હતી.સદ નસીબે કોઈને પણ જાન હાની થઈ ન હતી.