તાપીમિત્ર ન્યુઝ,વાલોડ:વાલોડનાં અંધાત્રી ગામ માંથી વરલી મટકાનો જુગાર રમતા એક જણાને રોકડ રકમ સહિત રૂપિયા 18,320/-ના મુદ્દામાલ સાથે ઝડપી પાડવામાં આવ્યો છે,જયારે ચાર જણા ફરાર થઇ જતા પોલીસ ચોપડે ચારેય જણાને વોન્ટેડ જાહેર કરવામાં આવ્યા છે, વાલોડ તાલુકાના અંધાત્રી ગામના પટેલ ફળિયામાં આજરોજ બપોરે 15:10 કલાકના અરસામાં આશિષભાઈ ઉર્ફે વિમલભાઈ કાળીદાસ ઢોડીયાપટેલ રહે,પટેલ ફળિયા-અંધાત્રી ગામ,પોતાના ઘરના ઓટલા પર ટાઇમ બજાર,તથા કલ્યાણ બજારના નીકળતા અંકો ઉપર પૈસા વતી લખાઈ લઈ હારજીતનો જુગાર રમતા અને રમાડતા જુગારના સાધનો ચાર નંગ ચિઠ્ઠી અને એક નંગ બોલપેન તેમજ અંગ ઝડતીના રૂપિયા 15,320/-,તથા એક મોબાઈલ ફોન કી.રૂ.3,000 મળી કુલ રૂ.18,320/-ના મુદ્દામાલ સાથે વાલોડ પોલીસના જવાનોએ ઝડપી પડયો હતા.તેમજ જુગાર રમનારા (1)અમૃતભાઈ(2)નરેશભાઈ(3)ભીખુભાઈ(4)શૈલેષભાઈ,ચાર જણા ફરાર થઇ જતા ચારેયને વોન્ટેડ જાહેર કરવામાં આવ્યા છે,આગળની વધુ તપાસ હેડકોન્સ્ટેબલ સંદીપભાઈ સુરજીભાઈ કરી રહ્યા છે.