તાપીમિત્ર ન્યુઝ,વ્યારા:વ્યારાના છીંડિયા ગામના ચાંચ ફળીયામાં રહેતા પ્રવિણભાઇ ચંદુભાઇ ગામીત તા.13મી જુલાઈ નારોજ,પોતાના ઘરની પાછળ આવેલ ખેતરમાં જમરૂખના ઝાડની ડાળીઓ નમી ગયેલ જે સીધી કરવા ગયેલ તે સમય દરમિયાન પ્રવિણભાઇ ગામીતના ઘરની બાજુમાં રહેતા ચંપકભાઇ ગામીત કુહાડી લઇને ઝગડો કરવા આવતા બંને જણા વચ્ચે થયેલી બોલાચાલી બાદ ચંપકભાઇએ પોતાના દાંત વડે પ્રવિણભાઇના જમણા કાનનો ભાગ કરડીને બચકુ ભરી તોડી નાંખ્યું હતું,લોહી લુહાણ કરી કાયમી ખોડખાપણ કરી જાનથી મારી નાખવાની ધમકી પણ આપી હતી,બનાવ અંગે વ્યારા પોલીસ મથકે પ્રવિણભાઇ ગામીતે આપેલી ફરિયાદના આધારે ચંપક મોહનભાઇ ગામીત રહે,છીંડીયા,ચાંચ ફળિયુ-વ્યારા વિરુધ્ધ ગુન્હો રજીસ્ટર કરવામાં આવ્યો છે,આગળની વધુ તપાસ વ્યારા પોલીસ સ્ટેશનના પીઆઈ આર.એસ.પટેલ કરી રહ્યા છે.