તાપીમિત્ર ન્યુઝ,સુરત:સુરતના કતારગામ વિસ્તારમાં વિદ્યાર્થીઓને લઈ જતી એક સ્કૂલવેનમાં અચાનક આગ ભભુકતા વિદ્યાર્થીઓની બુમરાણ સાથે ભાગદોડ મચી જવા પામી હતી. મળતી વિગત મુજબ સુરતના કતારગામ વિસ્તારમાં ગત રોજ સિંગણપોર ચાર રસ્તા નજીક થઈ સિંગણપોર ખાતેની નીલકંઠ વિદ્યાલયના ધોરણ 1 થી 5 ના વિદ્યાર્થીઓને લઇ એક સ્કૂલવેન જઇ રહી હતી.ત્યારે  એકાએક સ્કૂલવેનમાં આગ ભભૂકતા વિદ્યાર્થીઓની બુમરાણ સાથે ભાગદોડ મચી જવા પામી હતી.જેમાં સ્કૂલવેનમાં સવાર દશ જેટલા વિદ્યાર્થીઓ પગના ભાગે ગંભીર રીતે દાઝી જવા પામી હોવાના અને તમામને હાલ ખાનગી હોસ્પિટલમાં સારવાર હેઠળ રખાયા હોવાના અહેવાલ મળી રહ્યા છે.આ સ્કૂલવેન CNG રહિત હોઈ તેમાં લાગેલ આગ શોટકીર્કિટના પગલે લાગી હોવાનું પ્રાથમિક અનુમાન હાલ લગાવાય રહ્યું છે.(ફાઈલ ફોટો)