તાપીમિત્ર ન્યુઝ,સુરત:પલસાણા તાલુકાનાં બારાસડી ગામની સીમમાં કટારીયા ઓટો મોબાઇલ્સ શોરૂમ નજીક આવેલ શેરડીના ખેતર માંથી એક પુરુષનું નરકંકાલ મળી આવ્યું હતું,ઘટના જાણ પલસાણા પોલીસને થતા ઘટના સ્થળ પર પહોંચી તપાસ હાથ ધરી હતી. સુરત જિલ્લાના પલસાણા તાલુકાનાં બારાસડી ગામે કટારીયા ઓટો મોબાઇલ્સ શોરૂમ નજીક ગાંગપુર ગામના જયેશભાઇ પટેલનું શેરડીનું ખેતર આવેલ છે.તેમના ખેતરમાં મંગળવારના રોજ મોડી સાંજે એક પુરુષનું નરકંકાલ મળી આવ્યું હતું.ખોપરી અલગ થઈ ગઈ હોવાનું જાણવા મળ્યું છે.જીન્સનો પેન્ટ અને કુરતો પહેરેલો છે.મૃતક ઈસમના નરકંકાલ પાસેથી ઓળખ થાઈ એવી કોઈ ચીજ વસ્તુ મળી આવી નથી.ઘટનાની જાણ પલસાણા પોલીસને થતાં psi જે.એસ.કંડોરીયા સહિતનો સ્ટાફ સ્થળ ઉપર પહોંચી નરકંકાલનો કબ્જો લઈ ફોરેન્સિક પી.એમ માટે નરકંકાલ મોકલી વધુ તપાસ હાથ ધરી છે.મૃતકની ઓળખ માટે અને મોતનું કારણ જાણવા માટે પોલીસે વાયુ ગતિએ તપાસ શરૂ કરી છે.