તાપીમિત્ર ન્યુઝ,બારડોલી:દક્ષિણ ગુજરાતમાં પાંચ દિવસ ભારે વરસાદની આગાહી કરવામાં આવી છે.દક્ષિણ ગુજરાતમાં સૌથી વધુ વરસાદ સુરત જિલ્લાના બારડોલીમાં છેલ્લા ૧૪ કલાકમાં ૧૦.૫ ઈંચ વરસાદ નોંધાયો છે.જેથી નદીઓના લેવલ ઉંચા આવી ગયા છે.અને નીચાણવાળા વિસ્તારોમાં પાણી ભરાઈ ગયા છે.ઠેકઠેકાણે વાહનો પણ પાણીમાં ફસાય ગયા હતા,જેને લોકોની મદદથી બાહર કાઢવામાં આવ્યા હતા. બારડોલી નગરમાં પણ વરસાદના કારણે સોસાયટીના રસ્તાઓ પાણીથી તરબોર થઈ ગયા હતાં.જ્યારે બારડોલીના હિદાયત નગરથી પસાર થતી કોયલી ખાડીમાં પૂરની સ્થિતિ ઉભી થઇ છે.જેની સીધી અસર ખાડીને અડીને આવેલી ઇસ્લામપુરાના રહેણાંક વિસ્તારોમાં જોવા મળી હતી.અહીંના વિસ્તારમાં આવેલ એક મકાનમાં પાણીનો ભરાવો થતા બે યુવકો ખાડીમાં પડી જતા એક યુવાનનું ડૂબી જવાથી મોત નીપજ્યુ હતું. સ્થાનિકોએ યુવાનને બહાર કાઢી બારડોલી સરદાર હોસ્પિટલ લઇ ગયા હતા.જ્યાં તબીબોએ તેને મૃત જાહેર કર્યો હતો.