તાપીમિત્ર ન્યુઝ,વ્યારા:વ્યારાના પાનવાડી એરિયામાં આવેલ એક કોમ્પલેક્ષ પાસે પાર્ક કરવામાં આવેલ મોટર સાયકલમાં અચાનક આગ ફાટી નીકળતા ભાગદોડ મચી જવા પામી હતી.બનાવ અંગે વ્યારા પોલીસને જાણ થતાં કાર્યવાહી હાથ ધરી છે. પ્રાપ્ત માહિતી મુજબ તા.૨૩મી નારોજ,વ્યારા ના પાનવાડી ગામે આવેલ ગોલ્ડન નગર સોસાયટીના શોપિંગ સેન્ટરના દુકાન નંબર-૮ સામે પાર્ક કરવામાં આવેલ સ્પેલેન્ડર મોટર સાયકલ નંબર જીજે-૨૬-પી-૯૦૫૭માં અગમ્ય કારણોસર અચાનક આગ ફાટી નીકળતા લોકોમાં ભાગદોડ મચી જવા પામી હતી.આ બનાવમાં સદનસીબે કોઈ જાન હાની થઈ ન હતી.સ્પેલેન્ડર બાઇકમાં આગ લાગવાના કારણે આશરે રૂપિયા ૩૫,૦૦૦/-નું નુકશાન થયું હોવાની જાણ વ્યારા પોલીસ મથકે ઉમેશભાઈ નારસિંગભાઈ ચૌધરી રહે,ડુંગર ગામ દાદરી ફળિયું-વ્યારા નાઓએ કરી હતી.આગળની વધુ તપાસ asi ભીખાભાઈ જેઠાભાઈ વસાવા કરી રહ્યા છે.બાઇકમાં આગ લાગવાનું કારણ અત્યાર સુધી જાણવા મળ્યું નથી.જેને લઈ અનેક તર્કવીતર્ક વહેતા થયા છે.