તાપીમિત્ર ન્યુઝ,સોનગઢ:સોનગઢના કીકાકુઈ ગામના પાટિયા પાસે બે બાઈક વચ્ચે થયેલા અકસ્માતમાં મરણ પ્રસંગે જઈ રહેલા વાલોડ-ધામોદલા ગામના બાઈક સવાર દંપતીને ગમખ્વાર અકસ્માત નડ્યો હતો,જેમાં 45 વર્ષીય પતિનું મોત નીપજ્યું હતું.જયારે પત્નીને માથાના ભાગે ઈજા પહોંચી હતી.બનાવ અંગે સોનગઢ પોલીસ મથકે ફરિયાદને આધારે ગુન્હો રજીસ્ટર થયો છે. સોનગઢ તાલુકાના કીકાકુઈ ગામની સીમ માંથી પસાર થતો નેશનલ હાઇવે નંબર 53,ગામના પાટિયા પાસે તા.21મી જુન નારોજ આશરે 4:00 કલાક ના અરસામાં બજાજ પલ્સર બાઈક નં.-GJ-06-FN-9640 ના અજાણ્યા ચાલકે પોતાના કબ્જાનું વાહન પુર ઝડપે અને ગફલત ભરી રીતે હંકારી લાવી બાઈક સવાર દંપતીના હીરો હોન્ડા પેશન બાઈક નંબર GJ-19-R-0993 ને જોરથી ટક્કર મારતા બાઈક સવાર દંપતી રોડ પર પડી ગયા હતા.જેમાં દેવસિંગભાઇ કેવજીભાઇ ચૌધરી(ઉ.વ.45)નાઓને કપાળના ભાગે તેમજ માથામાં પાછળના ભાગે ગંભીર ઈજા પહોંચતા મોત નીપજ્યું હતું જયારે તેમના પત્ની પુષ્પાબેન દેવસિંગભાઇ ચૌધરી (42) બંને રહે,ધામોદલા,ટાંકલી ફળિયુ તા.વાલોડ,ને માથાના ભાગે ઈજા પહોંચતા સારવાર અર્થે ખસેડવામાં આવ્યો હતો.બનાવ અંગે પુષ્પાબેન ચૌધરીએ સોનગઢ પોલીસ મથકે ફરિયાદ કરી હતી.જેમની ફરિયાદના આધારે બાઈક ચાલક વિરૂધ્ધ ગુન્હો દાખલ કરી આગળની વધુ તપાસ હાથ ધરવામાં આવી છે. High light-વાલોડના ધામોદલા ગામના બાઈક સવાર દંપતી મરણ પ્રસંગે સોનગઢના ડોસવાડા ગામે જઈ રહ્યા હતા તે સમયે કીકાકુઈ પાટિયા પાસે ગમખ્વાર અકસ્માત નડ્યો હતો.