તાપીમિત્ર ન્યુઝ,માંડવી:ઉકાઈ-માંડવી માર્ગથી ઈંગ્લીશ દારૂ બિયરના ટીન ભરેલ સ્વીફ્ટ કાર સાથે સોનગઢના વાંકવેલ ગામના એક ખેપિયાને માંડવી પોલીસે ઝડપી પાડી કાયદેસરની કાર્યવાહી હાથ ધરી છે. આધારભૂત સૂત્રો પાસેથી મળતી માહિતી મુજબ તાપી જિલ્લાના સોનગઢ-ઉકાઈ થઇ માંડવી તરફ જતો માર્ગ બે નંબરિયાઓ માટે આશીર્વાદ સમાન બન્યો છે,પછી લાકડા ચોરી હોય,કતલખાને લઈ જવાતા ઢોર હોય કે પછી ઈંગ્લીશ દારૂ સપ્લાય કરવું હોય,બે નંબરીયાઓ બેખોફ માર્ગનો ઉપયોગ કરી રહ્યા છે.તા.20મી જૂન નારોજ,સાંજે 6:30 કલાક ના અરસામાં માંડવી પોલીસે બાતમી ના આધારે ઉકાઈ-માંડવી રોડ પર આવતું મગતરા ગામ પાસે વોચ ગોઠવી હતી.દરમિયાન સફેદ રંગ ની સ્વીફ્ટ કાર નજરે પડતા તેને ફિલ્મી ઢભે પીછો કરી ઝડપી પાડવામાં આવી હતી.સ્વીફ્ટ કારમાં તપાસ કરતા બિયર ટીન નંગ-48 જેની કિંમત રૂપિયા આશરે 4800/- સાથે ફિલિપભાઈ ગોવિંદભાઇ ગામીત રહે,વાંકવેલ નિશાળફળિયું-સોનગઢ ની અટક કરવામાં આવી હતી.સ્વીફ્ટ કારની કિંમત 2.50 લાખ સહિત કુલ રૂપિયા 2,54,800/- નો મુદ્દામાલ જપ્ત કરી કાયદેસરની કાર્યવાહી હાથ ધરવામાં આવી હતી,બનાવ અંગે આગળની વધુ તપાસ અહેકો ચંદ્રદીપ રાજારામભાઈ કરી રહ્યા છે.