તાપીમિત્ર ન્યુઝ,સોનગઢ:સોનગઢના હાથી ફળીયામાં વહેમીલા પતિએ ઘરમાં સુઈ રહેલી પત્ની ઉપર મોડી રાત્રે શાકભાજી કાપવાનું ચપ્પુ વડે જીવલેણ હુમલો કરી ફરાર થઇ ગયો હતો.મહિલાને શરીરના ભાગે ગંભીર રીતે ઈજાઓ પહોંચી હતી.જેમને નજીકની હોસ્પિટલમાં સારવાર અર્થે ખસેડવામાં આવ્યો હતો,બનાવ અંગે મહિલાએ સોનગઢ પોલીસ મથકે તેના પતિ વિરુધ્ધ ફરિયાદ કરી છે. મળતી માહિતી મુજબ તા.20મી જુન નારોજ,મોડી રાત્રે આશરે 12:30 કલાકના અરસામાં સોનગઢના હાથી ફળીયામાં રહેતી મંગલાબેન બહાદૂરભાઈ ઠાકુર,ના પતિ બહાદુરભાઇ એ મંગલાબેન ઉપર બીજા સાથે ખોટો વહેમ રાખી રાત્રીના આશરે સાડા બારેક વાગ્યા ના આસપાસ મંગલાબહેનને છાતીમાં ડાબીબાજુ,તેમજ પેટમાં,ડાબા હાથની કોણી ઉપર તથા જમણા પગમાં ઘુટણ ઉપર ઘરમાં પડેલ શાકભાજી કાપવાનું ચપ્પુ મારી દેતા અચાનક પતિએ કરેલ જીવલેણ હુમલાથી ડઘાઈ ગયેલી મંગલા બહેને બુમાબુમ કરી હતી.મંગલાબહેનનો અવાજ સાંભળી પડોશના લોકો દોડી આવે તે પહેલા બહાદુરભાઇ નાસી છુટ્યો હતો,ગંભીર રીતે ઈજાગ્રસ્ત મંગલાબહેનને સારવાર અર્થે નજીકની હોસ્પીટલમાં ખસેડવામાં આવ્યો હતો.જ્યાં છાતી ઉપર બે,પેટ ઉપર બે,ડાબા હાથ ઉપર એક,તથા જમણા પગમાં ઘુટણ ઉપર બે,ટાંકા લેવા પડ્યા હતા.બનાવ અંગે મંગલાબહેને તેમના પતિ બહાદુર વિરુધ્ધ સોનગઢ પોલીસ મથકે ફરિયાદ કરી છે.જેમની ફરિયાદને આધારે પોલીસે ગુન્હો રજીસ્ટર કરી આગળની વધુ તપાસ હાથ ધરી છે.(ફાઈલ તસ્વીર)