સુરત જિલ્લાનાં કીમ તરફથી બે ટ્રકમાં ગેરકાયદે રીતે પોતાનાં આર્થિક ફાયદા માટે ઘાસચારા અને પાણીની વ્યવસ્થા વિના કતલનાં ઈરાદે ભેંસો ભરીને જઈ રહી હોવાની કામરેજ પોલીસને બાતમી મળી હતી. ત્યારબાદ હરકતમાં આવેલી કામરેજ પોલીસે ઉપરોક્ત બાતમી વર્ણન અનુસાર ચોર્યાસી ગામની સીમમાં અમદાવાદથી મુંબઈ નેશનલ હાઈવે નંબર-૪૮ પર ચોર્યાસી ટોલનાકા નજીક વોચ ગોઠવી ડીધી હતી. દરમિયાન બાતમીવાળી ટ્રકો ત્યાં આવી પહોંચતા પોલીસે તેને અટકાવી હતી. આ સમયે એક ટ્રકનો ચાલક ટ્રક ત્યાં મુકી ભાગી છુટયો હતો.

જોકે પોલીસે બીજો ટ્રકનાં ચાલક અને ક્લિનરને સાથે રાખી બંને ટૂંકમાં તપાસ કરતા તેમાં ઘાસચારા કે પાણીની વ્યવસ્થા વિના રાખેલી ત્રણ ભેંસ મળી આવી હતી. આ ભેંસોને કતલનાં ઇરાદે ક્રુરતાપુર્વક ટૂંકમાં ખીચોખીચ ભરીને લઈ જવાતી હોવાનું જણાઈ આવ્યુ હતુ. પોલીસે બનાવનાં સ્થળેથી બંને ટ્રકોમાંથી ૪.૫૦ લાખની ૩૦ ભેંસો, ૧૯ લાખ કિંમતની બે ટ્રક મળી કુલ રૂપિયા ૨૩.૫૦ લાખનો મુદ્દામાલ કબજે કર્યો હતો. સાથે જ પોલીસે ગુનો નોંધી ટ્રક ચાલક અઝાજ સલિમ જાકા (રહે.બાબર ફળિયુ,વલણ ગામ,કરજણ, જી.વડોદરા) અને ક્લિનર મોહમ્મદ ઓવેરા દાઉદ પઢીવા (રહે.મોટી સેભાવાડી, વલશ ગામ, કરજણ, વડોદરા)ની અટક કરી હતી. પોલીસ તપાસમાં આ ગુન્હામાં સલમાન અલી મઠિયા (રહે.બાબર હળીયુ, વલણ ગામ, કરજણ જી.વડોદરા) અને બીજા ટ્રકનાં ચાલકની સંડોવણી હોવાનું બહાર આવતા તે બંનેને વોન્ટેડ જાહેર કરાયા હતા.