તાપીમિત્ર ન્યુઝ,સોનગઢ:સોનગઢ તાલુકા પંચાયતના પ્રમુખ-ઉપપ્રમુખની ચૂંટણી કરવા માટે આવતીકાલે સવારે 11 વાગ્યે સામાન્ય સભા મળનારી છે પરંતુ આજે ફોર્મ ભરવાના દિવસે 4:૦૦ વાગ્યા સુધીમાં બન્ને પદ માટે માત્ર એક-એક ફોર્મ આવતા બન્ને ઉમેદવારો બિનહરીફ જાહેર થયા છે. સોનગઢ તાલુકા પંચાયતની કુલ 24 બેઠકો માંથી કોંગ્રેસ પાસે 20 અને ભાજપ પાસે 4 બેઠકો હોવાથી કોંગ્રેસ સત્તામાં છે.પ્રમુખપદ માટે કુંજલતાબેન દાઉદભાઈ ગામીત અને ઉપપ્રમુખપદ માટે ભિલાભાઈ ગામીતના ફોર્મ આવ્યા છે.આજરોજ 4:00 વાગ્યા સુધી ફોર્મ સ્વીકારવાનું ચાલુ હતું અને આ બન્ને સિવાય અન્ય કોઈના ફોર્મ ન આવતાં બન્ને ઉમેદવારો બિનહરીફ ચૂંટાયેલા જાહેર થયા છે.કુંજલતાબેન મુળભૂત રીતે કોંગ્રેસના જ છે અને તેને પ્રમુખપદની જવાબદારી સોંપવામાં આવી છે.જ્યારે ભિલાભાઈ ગામીતને ઉપપ્રમુખપદ આપવામાં આવેલ છે.બે પદ માટે બે ફોર્મ આવતાં કાલની સામાન્ય સભા માત્ર ઔપચારિક બની રહેશે