Tapi mitra news:ઉમરદા ગામના નિશાળ ફળીયામાં જમીન મામલે એક વ્યક્તિ પર કુહાડી,દાતરડું અને દંડા વડે હુમલો કરવામાં આવ્યો હોવાનો બનાવ પોલીસ મથકે નોંધાયો છે. મળતી માહિતી અનુસાર સોનગઢ તાલુકાના ઉમરદા ગામ આવેલ ખાતા નંબર 150 સર્વે નંબર 148 વાળી જમીનમાં આજરોજ શૈલેષભાઈ લક્ષ્મણભાઈ ગામીત ઉપર ગામના જ દેવળ ફળીયામાં રહેતા ચાર ઇસમોએ કુહાડી,દાતરડું અને દંડા વડે હુમલો કરી જાનથી મારી નાખવાની ધમકીઓ આપી હતી.આ બનાવમાં શૈલેષભાઈ ગામીતને શરીરે ઈજાઓ પહોચી હતી તેમજ ડાબા પગના ઘુટણની નીચે પાછળના ભાગે ફેકચર થયું હતું. બનાવ અંગે શૈલેષભાઈએ પોલીસને ફરિયાદ કરી હતી જેમની ફરિયાદના આધારે સોનગઢ પોલીસે હુમલો કરનાર હીરાલાલ બાપુભાઈ ગામીત,ફ્રાન્સીસભાઈ જયકિશનભાઈ ગામીત,ફતેસિંગભાઈ બાપુભાઈ ગામીત તથા વિપ્લેશભાઈ જયકિશનભાઈ ગામીત ચારેય જણા રહે,ઉમરદાગામ દેવળ ફળિયું-સોનગઢ નાઓ વિરુધ્ધ ગુનો દાખલ કરી આગળની વધુ તપાસ હાથ ધરવામાં આવી છે.