Tapi mitra news:સહારા દરવાજા સરદાર માર્કેટ પાસે આવેલી એન.એસ.ટી.એમ. માર્કેટમાં મંગળવારે સવારે એક બંધ દુકાનમાં આગ ફાટી નિકળી હતી. દુકાનમાંથી ધુમાડા બહાર નિકળતા અન્ય માર્કેટના વેપારીઓમાં ફફડાટ જોવા મળ્યો હતો. આગ વધુ પ્રસરે તે પહેલાં ફાયર બ્રિગેડને જાણ કરવામાં આવી હતી. લશ્કરો ઘટના સ્થળે દોડી આવ્યા હતા. ત્યારબાદ પાણીનો મારો ચલાવ્યો હતો. અને થોડા સમય પછી દુકાનના તાળાં તોડી અંદર પણ પાણીનો મારો કર્યો હતો. કલાકોની જહેમત બાદ આગ કાબુમાં આવી હતી. આગના કારણે દુકાનમાં પડેલો માલ બળીને ખાખ થઇ ગયો હતો. જો કે દુકાન બંધ હોવાથી મોટી દુર્ઘટના ટળી હતી. ફાયર બ્રિગેડે આગ લાગવાનું કારણ શોર્ટ સર્કીટ હોવાનું જણાવ્યુ છે.