Tapi mitra news:ઉધના હરીનગર ખાતે મારૂતિ વાનમાં અચાનક જ આગ ભભુકી ઉઠતા અફરા તફરીનો માહોલ સર્જાયો હતો. જોતજોતામાં આખી કાર આગમાં લપેટાઇ ગઇ હતી. જેના પગલે ફાયર બ્રિગેડને જાણ કરાતા લશ્કરો દોડી આવ્યો હતો. લશ્કરોએ પાણીનો મારો ચલાવી આગ પર કાબુ મેળવ્યો હતો. સળગતી કારને જોવા માટે વાહન ચાલકો રસ્તા પર ઉભા થઇ વિડીયો શુટીંગ કરતા નજરે પડ્યા હતા. આગના કારણે કાર સંપુર્ણ બળીને ખાખ થઇ હતી. જો કે ચાલકનો ચમત્કારીક બચાવ થયો હતો.