Tapi mitra news:નાની ખેરવાણ ગામની સીમ માંથી પસાર થતી નહેર માંથી ktm duke બાઈક મળી આવવાના પ્રકરણમાં ગુમ થયેલા 22 વર્ષીય યુવકની લાશ વ્યારાના ચીખલવાવ ગામની નહેર માંથી મળી આવી હતી. મળતી માહિતી અનુસાર સોનગઢ તાલુકાના નાનીખેરવાણ ગામની સીમ માંથી પસાર થતી ઉકાઈ ડાબા કાંઠાની નહેર માંથી તા.30મી જુલાઈ નારોજ ktm duke બાઈક નંબર જીજે/26/એએ/3349 મળી આવી હતી. ઉકાઈ પોલીસની તપાસમાં સોનગઢના ગાયસવાર ગામના ઘંટી ફળીયામાં રેહતો રાજેન્દ્ર યોગેશભાઈ ગામીત (ઉ.વ.22) ની બાઈક હોવાનું જાણવા મળ્યું હતું. જોકે ઘટના સ્થળ પર રાજેન્દ્ર ગામીત મળી ન આવતા યુવકના પિતા યોગેશભાઈની ફરિયાદના આધારે ઉકાઈ પોલીસે ગુમ જાણવા જોગ બનાવ રજીસ્ટર કરી તપાસ હાથ ધરી હતી. આ પ્રકરણમાં ગુમ થનાર યુવકની લાશ મળી છે. કાકરાપાર પોલીસના જણાવ્યા અનુસાર તા.31મી જુલાઈ નારોજ વ્યારાના ચીખલવાવ ગામના આમલી ફળિયાની સીમ માંથી પસાર થતી ઉકાઈ ડાબા કાંઠાના નહેરના પાણી માંથી રાજેન્દ્ર ગામીતની લાશ મળી આવી હોવાનું જણાવ્યું હતું. કાકરાપાર પોલીસે મૃતક યુવકની લાશનું પીએમ કરાવ્યા બાદ લાશ પરિવારજનોને સોંપી હતી. જોકે આ મામલે પોલીસ સુત્રોના જણાવ્યા આનુસાર ktm duke બાઈક જે જગ્યા પરથી મળી આવી હતી તે સ્થળ પર લોહીના ડાઘા પણ હતા. એફએસએલની મદદથી તપાસ હાથ ધરવામાં આવી છે. જોકે એફએસએલ અને પોસ્ટમોર્ટમ રીપોર્ટ આવ્યા બાદ જ હકીકત બહાર આવશે. high light-સોનગઢ તાલુકાના નાનીખેરવાણ ગામની ઉકાઈ ડાબા કાંઠાની નહેર માંથી તા.30મી જુલાઈ નારોજ ktm duke બાઈક નંબર જીજે/26/એએ/3349 મળી આવી હતી. high light-તા.31મી જુલાઈ નારોજ વ્યારાના ચીખલવાવ ગામના આમલી ફળિયાની સીમ માંથી પસાર થતી ઉકાઈ ડાબા કાંઠાના નહેરના પાણી માંથી રાજેન્દ્ર ગામીતની લાશ મળી આવી. high light-એફએસએલ અને પોસ્ટમોર્ટમ રીપોર્ટ આવ્યા બાદ જ હકીકત બહાર આવશે.