Tapi mitra news:દારૂનો નશો કરેલ હાલતમાં મોટર સાયકલ ના ચાલકે એક્ટિવા ને ટક્કર મારતા પીએસઆઇની પત્નીને શરીરે ગંભીર ઇજા પહોંચી હોવાનો બનાવ ઉકાઈ પોલીસ મથકે રજીસ્ટર કરવામાં આવ્યો છે. સોનગઢ-ઉકાઈ માર્ગ પર આવતું ગુણસદા ગામે સીપીએમ બસ સ્ટેન્ડ સામે રોડ ઉપર તા.20 જૂન નારોજ મોટર સાયકલ નંબર જીજે/26/ક્યુ/5471 ના ચાલક કાલીદાસ સુમનભાઈ વસાવા રહે,બુધવાડા તા.સોનગઢ નાઓએ પોતાના કબ્જાની મોટર સાયકલ પુર ઝડપે અને ગફલત ભરી રીતે દારૂનો નશો કરેલ હાલતમાં હંકારી લાવી પીએસઆઇ એસ.સી.પરમાર સાહેબના પત્ની સોનુબેન નાઓની એક્ટિવા ગાડી નંબર જીજે/26/એસ/4416 ને સામેથી ટક્કર મારી હતી આ અકસ્માતમાં સોનુબેન ને મોઢા તથા નાકના ભાગે તેમજ જમણા હાથમાં ફ્રેક્ચર થતા તેમને સારવાર અર્થે ખસેડવામાં આવ્યા છે. બનાવ અંગે મિતેશભાઈ ઉદમલ નાઓની ફરિયાદને આધારે તા.23 જૂન નારોજ મોટર સાયકલ ચાલક કાલિદાસ વસાવા વિરુદ્ધ ગુનો દાખલ કરી ઉકાઈ પોલીસ દ્વારા કાર્યવાહી કરવામાં આવી છે.