Tapi mitra news:ભાડા માફીનો ઇસ્યુ દરેક નાની-મોટી માર્કેટો શરૃ થઈ ત્યારથી ઉઠાવવામાં આવી રહ્યો છે. જુદી જુદી માર્કેટમાં કેટલાક દુકાનદારો મુંજવણ માં છે તો કેટલાક આ મુદ્દે રજૂઆત પણ કરી રહ્યાં છે. સોનગઢ ના ઉકાઈ વિસ્તારમાં આવેલ સીપીએમ શોપિંગ કોમ્પલેક્ષના દુકાનદારો પણ ભાડા માફીની માંગ કરી રહ્યા છે. આ કોમ્પ્લેક્સમાં મોટેભની તમામ દુકાનો ભાડાની છે.સીપીએમ શોપિંગ કોમ્પલેક્ષમાં દુકાન ભાડે લઈને કામકાજ કરતા દુકાનદારોએ ભાડા માફીનો મુદ્દો ઉઠાવ્યો હતો અને જે.કે.પેપર લિમિટેડ યુનિટ સીપીએમના એક્ઝિક્યુટિવ વાઇસ પ્રેસિડેન્ટ ને લેખિતમાં રજુઆત કરી હતી. કોરોનારૂપી મહામારીમાં લોકડાઉનના કારણે 22 માર્ચ થી દુકાનો બંદ હતી. હાલમાં કોઈ રોજગાર ધંધો ન હોવાથી દુકાનોનું ભાડુ માફ કરવા રજુઆત કરવામાં આવી છે.