Tapi mitra news:શોર્ટ સર્કીટથી આગ લાગવાના કારણે ઘરના માળિયા ઉપર સંગ્રહ કરવામાં આવેલ ઘાસના પુળીયા બળીને ખાક થઇ ગયા હતા.બનાવ અંગે સોનગઢ નગરપાલિકાના ફાયરના જવાનોને કોલ મળતા સ્થળ પર પહોચી બે કલાકે આગ ઉપર કાબુ મેળવ્યો હતો. સોનગઢ તાલુકાના ચિમકુવા ગામના દેવળ ફળીયામાં રહેતા યાકુબભાઈ ગામીતના ઘરમાં આજરોજ બપોરના સમયે શોર્ટ સર્કીટના કારણે આગ લાગી હતી. ઘટનાને પગલે ગામના સરપંચ સહિતના લોકો દોડી ગયા હતા. બનાવની જાણ થતા સ્થળ ઉપર પહોચેલા ફાયર ફાઈટરના જવાનોએ બે કલાકે આગને કાબુમાં લીધી હતી. જો કે તે પહેલા પશુઓ માટે ઘરના માળિયામાં સંગ્રહ કરવામાં આવેલ 5000 જેટલા ઘાસનાં પુળીયા લાગેલી આગમાં બળીને ભસ્મ થઇ ગયું હતું. આ બનાવમાં સદ્નસીબે કોઇ જાનહાનિ થઇ ન હતી. આ બાબતે તલાટીએ જણાવ્યું હતું કે,ઘરના માળિયામાં શોર્ટ સર્કિટના કારણે આગ લાગી હતી નુકસાની નો અહેવાલ તાલુકા વિકાસ અધિકારી અને મામલતદારને આપ્યો હોવાનું જણાવ્યું હતું.