Tapi mitra news:લિંબાયત સરદારનગરમાં આવેલ મિલ્કતને પચાવી પાડવા માટે મુળ જમીન માલીક પાસેથી  જુની તારીખના બોગસ કબજા રસીદો બનાવી કોર્ટમાં દાવો કરી મિલ્કતના માલીક પાસેથી વધુ પૈસા પડાવાની પેરવી કરનાર યુવક સામે મિલ્કત માલીકે પોલીસમાં ફરિયાદ નોધાવી છે. લિંબાયત પોલીસના જણાવ્યા મુજબ લિંબાયત રામનગર સોસાયટીમાં રહેતા સલીમ માધવસંગ રાણા મકાન લે-વેચનો ધંધો કરે છે. સલીમ અને તેના મિત્ર જાફઉદીન સુજાફદીન શાહએ લિંબાયત અંબાનગર સોસાયટીમાં આવેલ મકાન નં-એ/૬૫ વાળુ વૈકન્ના પુલ્લૈયા કટકમ પાસેથી ખરીદી વેચાણ દસ્તાવેજ બનાવ્યો હતો. છતાંયે  મોહમંદ સરફરાઝ જમીલ અહેમદ (રહે, સરદારનગર લિંબાયત)એ મિલ્કતના ગુંમચ ઉભી કરવા તેમજ સલીમ પાસેથી પૈસા પડાવવા માટે જમીનના મુળ માલીક પાસેથી જુની તારીખમાં મિલકત ખરીદી હોવાના બોગસ લખાણો કર્યા હતા અને આ બોગસ લખાણોને આધારે કોર્ટમાં લીટીગેશન, કોર્ટમાં દાવા પ્રકરણો ઉભી કરી મિલકત પચાવી પાડવાનો કારસો કાઢ્યો હતો. બનાવ અંગે પોલીસે સલીમ રાણાની ફરિયાદ લઈ મોહમંદ સરફરાજ જમીલ અહેમદ સામે ગુનો દાખલ કરી તપાસ હાથ ધરી છે.