Tapi mitra news:સુરતમાં લોકડાઉન ખુલતાની સાથે જ એકવાર ફરી ગેંગવાર ચાલુ થઇ ચુકી છે. સુરતમાં પણ જાણે ફરી એકવાર બે ગેંગોની અથડામણ લોહીયાળ બની છે. ઉધના વિસ્તારમાં દારૂનો વેપાર કરતા બુટલેગર પર ડિંડોલી વિસ્તારમાં 10 જેટલા લોકોએ બુટલેગર પર હૂમલો કર્યો હતો. આ હૂમલામાં તેનું મોત નિપજ્યું હતું. શહેરના ડીંડોલી વિસ્તારમાં ભીમનગરમાં દારૂનો વેપાર કરતા કાળુ નામના બુટલેગરે કેટલાક શખ્સો સાથે તિક્ષ્ણ હથયારોના ઘા માર્યા હતા. પોલીસની તપાસમાં અજ્જુ નામના બુટલેગરે સાગરિતો સાથે કાળુની હત્યા કરી હોવાનુ તપાસમાં સામે આવ્યું હતું. પોલીસને મળેલ CCTV ફુટેજ અનુસાર પોતાની કાર માંથી ઉતર્યો તે સાથે જ રાહ જોઇને બેઠેલા ટોળાએ છરીના ઉપરા છાપરી ઘા ઝીંકીને તેની હત્યા કરી નાખા હતી. જો કે તે ભાગી ને પોતાનાં ઘર તરફ ગયો પરંતુ દરવાજા પર તેને પકડીને રહેંસી નાખ્યો હતો. દરમિયાન કાળુને ગંભીર ઇજા પહોંચતા તેને હોસ્પિટલ ખસેડવામાં આવ્યો હતો. જ્યાં વહેલી સવારે સારવાર દરમિયાન તેનું મોત નિપજ્યું હતું. કાળુની હત્યાના મુદ્દે પોલીસે સીસીટીવીના આધારે ગુનો નોંધીને હત્યાનો ગુનો દાખલ કર્યો છે.