Tapi mitra News;સોનગઢના દેવજીપુરા વિસ્તારમાં રસ્તા ઉપર કચરો નાખવા ના પાડતા ઢીક્કા મુક્કીનો માર માર્યો હોવાની ફરિયાદ પોલીસને કરવામાં આવી હતી. જેના આધારે મારા મારી કરનાર બંને વ્યક્તિઓ સામે કાયદેસરની કાર્યવાહી કરવામાં આવી હતી. મળતી માહિતી અનુસાર સોનગઢ નગરના દેવજીપુરા વિસ્તારમાં આવેલ મરાઠી સ્કુલ પાસે રહેતા મુન્નાભાઈ રાજુભાઈ ગામીતના જણાવ્યા અનુસાર તા.5મી જુન નારોજ સાંજના સાતેક વાગે પ્રવીણભાઈ રામાભાઈ ભરવાડ અને ગોપાલભાઈ લક્ષ્મણભાઈ ભરવાડ બંને રહે,મરાઠી સ્કુલ પાસે,દેવજીપુરા-સોનગઢ નાઓને રોડ ઉપર કચરો નાખવા ના પાડતા બંને જણા એકદમ ઉશ્કેરાઈ ગયેલ અને મુન્નાભાઈ ગામીત અને સાહેદો સાથે બોલચાલી અને ઝગડો કરી ઢીક્કા મુક્કીનો માર માર્યો હતો. બનાવ અંગે મુન્નાભાઈ રાજુભાઈ ગામીતે સોનગઢ પોલીસને જાણ કરી હતી. જેના આધારે મારામારી કરનાર બંને વ્યક્તિઓ સામે તા.6 જુન નારોજ સીઆરપીસીની કલમ 151 મુજબ કાયદેસરની કાર્યવાહી હાથ ધરવામાં આવી હતી. High light-પ્રવીણભાઈ ભરવાડ અને ગોપાલભાઈ ભરવાડ બંને જણા એકદમ ઉશ્કેરાઈ ગયેલ અને મુન્નાભાઈ ગામીત અને સાહેદો સાથે બોલચાલી અને ઝગડો કરી ઢીક્કા મુક્કીનો માર માર્યો હતો.