Tapi mitra News;વાલોડ તાલુકાના બાજીપુરા ગામે પુલ ફળીયામાં રહેતી નીરૂબેન કનુભાઈ રાઠોડ (ઉ.વ.28) નાઓ ગત તા.24મી માર્ચ 2020 નારોજ બાજુમાં રહેતા પાડોશીને “ વ્યારા હોસ્પીટલમાં મારા નણંદનો છોકરો દાખલ છે તેની ખબર લેવા માટે જાઉં છું.” તે રીતેની વાત કરી હીનાકુમારી (ઉ.વ.3) અને સુહાનાકુમારી (ઉ.વ.5) બંને બાળકીઓ સાથે લઈ ચાલી ગયેલ હોય, જેની તપાસ કરતા આજદિન સુધી મળી આવેલ ન હોય બંને બાળકીઓ સાથે ગુમ થનાર માતાના પરિવારજનોએ પોલીસ મથકે જાણ કરી હતી. જેના આધારે તા.6 જુન નારોજ વાલોડ પોલીસે ગુમ જાણવા જોગ બનાવ રજીસ્ટર કરી તપાસ શરૂ કરી છે. ગુમ થનાર નીરૂબેન કનુભાઈ રાઠોડે ધોરણ-5 સુધીનો અભ્યાસ કરેલ છે. અને ગુજરાતી-હિન્દી ભાષા જાણે છે. શરીરે પાતળા બાંધાની રંગે ઘઉંવર્ણની છે, ઉંચાઈ 5 ફૂટ, શરીરે લાલ કલરનો ફ્રોક તથા કમરે ગ્રીન કલરની કેફરી પહેરેલ છે, અને પગમાં લાલ કલરના લેડીસ સેન્ડલ પહેરેલા છે. તેમજ મોટી છોકરી સુહાનાકુમારીએ શરીર ઉપર ગ્રીન કલરની ટી-શર્ટ અને કમરે ગ્રીન કલરનો જીન્સ પેન્ટ પહેરેલ છે. તેમજ તેનાથી નાની છોકરી હીનાકુમારીએ શરીરે ચટા-પટ્ટા વાળું ભૂરા કલરનું ટી-શર્ટ અને કમરે કાળા કલરની કેફરી પહેરેલ છે. ગુમ થનાર વર્ણન વાળા બંને બાળકીઓ અને માતા ક્યાંક નજરે પડે તો વાલોડ પોલીસ સ્ટેશનનો નંબર:02625 220048 પર જાણ કરવી.