Tapi mitra news:અમદાવાદ બાદ સુરતની સ્થિતિ પણ ગંભીર બનતી જઇ રહી છે સુરતમાં કોરોના પોઝિટિવ દર્દીઓની સંખ્યામાં ચિંતાજનક વધારો થઇ રહ્યો છે. ત્યારે સુરતના બારડોલીમાં કોરોના પોઝિટિવ નો ત્રીજો કેસ સામે આવતા તંત્ર હરકતમાં આવી ગયું છે. મળતી માહિતી અનુસાર બારડોલીના બાબેન વિસ્તારમાં આવેલ ડ્રાયવર કોલોનીમાં રહેતી 64 વર્ષીય એક મહિલા બીમાર થતા તેને તા.ચોથી જુન નારોજ બારડોલીની એક પ્રાઇવેટ હોસ્પિટલમાં દાખલ કરવામાં આવી હતી તેણીને કોરોના લક્ષણો જણાતા તાત્કાલિક સુરત ની સિવિલ હોસ્પિટલમાં ખસેડવામાં આવી હતી. જ્યાં તેના સેમ્પલ લેવામાં આવતા આજરોજ મહિલા કોરોના પોઝિટિવ હોવાનો રિપોર્ટમાં સામે આવ્યું છે. મહિલા છેલ્લા એકાદ મહિનાથી ડ્રાયવર કોલોનીમાં જ રહેતી હતી,હાલ કોઈ ટ્રાવેલ હિસ્ટ્રી જાણવા મળી નથી. હાલ મહિલા સુરતની હોસ્પિટલમાં સારવાર હેઠળ હોવાનું જાણવા મળ્યું છે.