Tapi mitra News;શહેરના વરાછા વિસ્તારની સાકેતધામ સોસાયટીમાં રત્નકલાકારને ઘરમાં, લિંબાયતની શ્રીનાથ સોસાયટી તથા સચિનની ગોકુલ નગર સોસાયટીમાં અને કતારગામ આંબાતલાવડીમાં જાહેરમાં જુગાર રમતા કુલ ૨૮ જુગારીને રંગેહાથ ઝડપી પાડી પોલીસે રૂ.૯૨,૮૬૦ની રોક્ડ મત્તા કબ્જે લઇ કાયેદસરની કાર્યવાહી હાથ ધરી હતી. વરાછા બરોડા પ્રિસ્ટેજ વિસ્તારની સાકેતધામ સોસાયટીમાં ઘર નં. ૧૪૫માં રહેતા રત્નકલાકાર વિજય માવજી આલગીયા (ઉ.વ.૩૫) ને ત્યાં કાપોદ્રા પોલીસે દરોડા પાડી વિજય ઉપરાંત ૮ રત્નકલાકારોને જુગાર રમતા ઝડપી પાડી તેમની પાસેથી અંગ જડતી અને જુગારની રમતના દાવ પરના મળી કુલ રૂ.૩૮,૨૭૦, લિંબાયતની શ્રીનાથા સોસાયટીમાં સપના પાન સેન્ટરની ગલીમાં પ્લોટ નં.૧૦૮માં જાહેરમાં જુગાર રમતા મંડપ ડેકોરેટર જીતેન્દ્ર મધુકર પાટીલ (ઉ.વ.૪૨) સહિત ૯ જુગારીને ઝડપી પાડી તેમની પાસેથી રૂ.૧૭,૯૮૦, કતારગામ આંબાતલાવડી નજીક હળપતિવાસમાં રીક્ષા ડ્રાઇવર ભરત ડાહ્યા પટેલ (ઉ.વ.૪૩ રહે,ઉપલો મહોલ્લો, આંબાતલાવડી, કતારગામ) સહિત ૬ જણાને જુગાર રમતા ઝડપી પાડી તેમની પાસેથી રૂ.૨૫,૪૦૦ અને સચિન ગુ.હા. બોર્ડ નજીક ગોકુલ નગરમાં જાહેરમાં જુગાર રમતા ફાલ્ગુન મહેશ પારેખ (ઉ.વ.૨૧ રહે,કલ્યાણનગર, સ્ટેશન રોડ, સચિન) સહિત ૫ જુગારીને ઝડપી પાડી તેમની પાસેથી રૂ. ૧૧,૨૧૦ની મત્તા કબ્જે લઇ પોલીસે કાયદેસરની કાર્યવાહી હાથ ધરી હતી.