Tapi mitra News;સોનગઢ નગર માંથી જરૂરી દસ્તાવેજો સાથે ફોર વ્હીલ ગાડી લઈને મિત્ર નાશી છુટ્યો હોવાનો બનાવ સોનગઢ પોલીસ ચોપડે રજીસ્ટર થયો છે. મળતી માહિતી અનુસાર પલસાણા-કડોદરા વચ્ચે આવેલ બલેશ્વર નજીક શ્રીરામ પેટ્રોલીયમના પાર્ટનર નવીનભાઇ બાલુભાઇ ચૌધરી (ઉ.વ.58) રહે,બાજીપુરા કુંભારવાડ તા.વાલોડ જી.તાપી નાઓ ગત તા.26મી ફેબ્રુઆરી 2020 નારોજ સોનગઢ ખાતે કામઅર્થે આવતા હોય તે દરમિયાન તેમનો મિત્ર વિકાસભાઇ અનીલકુમાર ચૌધરી નાઓ પણ સાથે તેમની કારમાં આવેલ અને સોનગઢ નગરમાં ગોપાલ કોલ્ડ્રીક્સ નામની દુકાનમાં બપોર ના સમયે આશરે 12:00 કલાકના અરસામાં ઠંડુ પીવા માટે ઉભા રહ્યા હતા તે વેળાએ વિકાસ ચૌધરીએ ATM પર જઇ આવવાનું જણાવી નવીનભાઇ ચૌધરી ના માલીકીની કાળા કલરની હોન્ડા સીટી ફોર વ્હીલ ગાડી નંબર જીજે/26/એન/1999 તથા ગાડીમાં મુકેલ આર.સી.બુક,ડીસ્ટ્રીક બેંકની ચેક બુક તથા સ્ટેટ બેંક ની ચેક બુક તથા પેટ્રોલપંપના દસ્તાવેજ અને કાગળો,બે એ.ટી.એમ. કાર્ડ,લાયસન્સ તથા ચુટણીકાર્ડ લઇને વિકાસ ચૌધરી ફરાર થઈ ગયો હતો. બનાવ અંગે નવીનભાઇ ચૌધરીએ સોનગઢ પોલીસ મથકે ફરિયાદ કરી હતી જેમની ફરિયાદ ના આધારે તા.27મી મે નારોજ વિકાસ ચૌધરી રહે.દેહરાદુન પતંજલી સ્ટ્રોર્સની બાજુમાં પોસ્ટ.હરબતપુર તા.વિકાસનગર જી.દેહરાદુન (ઉત્તરાખંડ)  નાઓ વિરુધ્ધ છેતરપીંડી અને વિશ્વાઘાતનો ગુનો દાખલ કરી આગળની વધુ તપાસ હાથ ધરવામાં આવી છે.