Tapi mitra News;વરાછાના હીરા બજાર નોન-કન્ટેઇન્મેન્ટ હોવાને કારણે કામકાજ માટે ખુલ્લુ કરવામાં આવ્યું છે. પરંતુ હીરા બજારમાં રોડ ઉપર લોકો ટોળે વળતાં હોવાથી તેઓને તેમ નહીં કરવાની અપીલ આજે હીરાના અગ્રણીઓએ કરી હતી. હીરા બજારના બહારના લોકો આવીને ટોળે વળે છે, એમ ડાયમંડ એસો.ના સૂત્રોએ જણાવ્યું હતું. અત્યારે લોક ડાઉન અમલમાં છે એટલે સોશિયલ ડિસ્ટન્સીગ ઉપરાંત જે કંઈ દિશા-નિર્દેશો જાહેર કરવામાં આવ્યા છે, તેનું સખ્તાઈપૂર્વક પાલન ખૂબ જ જરૂરી છે, એવું સૌને જણાવવામાં આવ્યું હતું. રોડ ઉપર જો આ રીતે ટોળે વળવાથી નીતિ નિયમોના ભંગ બદલ કાયદેસરની કાર્યવાહી થઈ શકે છે એટલે સૌને ઓફિસોમાં બેસવાની કે પોતાના ઘરે જવાની અપીલ કરવામાં આવી હતી.હીરા બજાર શરૂ કરવામાં આવે તેવી પ્રશાસનને વિનંતી કરીને બજાર શરૂ કરાવી શકાયું છે અને જો આ રીતે લોક ડાઉનના અમલનો ભંગ થશે તો, પ્રશાસન દ્વારા પગલાં લેવામાં આવી શકે છે. હીરા બજારમાં લોકો ટોળે વળે છે અને લોક ડાઉનના નિયમનો ભંગ કરે છે, એવું કમિશનરના ધ્યાન ઉપર આવ્યું હતું અને તેમણે આ બાબતે હીરા અગ્રણીઓને પણ પૂછ્યું હતું.