Tapi mitra News;ભારત સહિત વિશ્વના મહત્તમ દેશો કોરોના જેવી મહામારીનો સામનો કરી રહ્યાં છે. ત્યારે અન્ય રાજ્યોમાંથી ગુજરાતમાં સ્થાયી થયેલા શ્રમિકોએ પોતાના વતનની વાટ પકડી છે. તેમને પોતાના વતન મોકલવા માટે સરકાર દ્વારા અનેક પ્રયાસો અને વ્યવસ્થાઓ કરવામાં આવી રહી છે. બારડોલીનાં અગ્રણી શ્રી વિરેન્દ્રસિંહ રાજપૂતે માણેકપોર ચેકપોસ્ટ પર ફસાયેલા છત્તીસગઢ અને મધ્યપ્રદેશના ૧૦૦થી વધુ શ્રમિકો અંગે સાંસદશ્રી સી.આર. પાટીલનું ધ્યાન દોર્યું હતુ. અને તેમને વતન મોકલવા અંગેની વ્યવસ્થા કરવા વિનંતી કરી હતી. જેથી સાંસદશ્રીએ માનવીય અભિગમ દર્શાવી આ તમામ શ્રમિકોને પોતાનાં વતન પહોંચાડવા બસ તથા તેમના ભોજન અને મિનરલ વોટરની વ્યવસ્થા કરી હતી.