Tapi mitra News;ગત રોજ તાપી જિલ્લાના ઐતિહાસિક નગર સોનગઢના અલીફનગર ખાતેના એક યુવકનો "કોરોના" ટેસ્ટ રિપોર્ટ પોઝેટિવ આવ્યા બાદ, અલીફનગર અને ઇસ્લામપુર વિસ્તારને નિયમોનુસાર "કન્ટેઇનમેન્ટ ઝોન" જાહેર કરવા સાથે, અહીંના રહેવાસીઓ માટે કેટલીક માર્ગદર્શક સૂચનાઓ જારી કરવામાં આવી છે.

દરમિયાન જિલ્લા કલેકટર શ્રી આર.જે.હાલાણી તથા જિલ્લા પોલીસ અધિક્ષક શ્રી એન.એન.ચૌધરી સહિતના ઉચ્ચધિકારીઓએ આ સમગ્ર વિસ્તારની જાતમુલાકાત લઈ, અહીંની કાર્ય વ્યવસ્થાની સમીક્ષા કરી હતી. આ વેળા કલેકટર શ્રી હાલાણીની સાથે પ્રાંત ઓફિસર શ્રી હિતેશ જોશી, મુખ્ય જિલ્લા આરોગ્ય અધિકારીશ્રી ડો.હર્ષદ પટેલ, નાયબ પોલીસ અધિક્ષક શ્રી રાય, સોનગઢ મામલતદાર શ્રી ડી.કે.વસાવા, ચીફ ઓફિસર પૂર્વી પટેલ, પોલીસ અધિકારીઓ, આરોગ્ય ટિમ વિગેરેએ ઉપસ્થિત રહી, તેમની ભૂમિકા નિભાવી હતી.