Tapi mitra News;લાલગેટ પોલીસે ગઈકાલે રાત્રે સૈયદપુરા રાહત મહોલ્લાના એક મકાનમાં ધમધમતા જુગારની કલબમાં છાપો મારી જુગાર રમતા વેપારી, રીક્ષા ચાલક અને મકાન માલીક સહિત ૯ જણાને ઝડપી પાડી તેમની પાસેથી રોકડા રૂ.૧.૦૪ લાખ કબ્જે કર્યા હતા. પોલીસે જુગારીયાઓ સામે જુગારધારાની કલમની સાથે જાહેરનામાના ભંગ અને એપેડેમિક એક્ટની કલમ મુજબ પણ ગુનો નોંધી કાર્યવાહી હાથ ધરી હતી. લાલગેટ પોલીસ સૂત્રો પાસેથી મળતી વિગતો મુજબ પીઆઈ એ.જી.રાઠોડની સુચના અને માર્ગદર્શનમાં ગઈકાલે નાઈટ માં ફરતા સર્વલન્સ સ્ટાફના માણસોએ મળેલી બાતમીના આધારે સૈયદપુરા રાહત મહોલ્લામાં રહેતા મોહમદ આરીફ અબ્દુલ રહેમાન શેખના ઘરે રેડ પાડી હતી. જેમાં આરીફના મકાનના પહેલા માળે ગોળ કુંડાળું વાળી જુગાર રમતા હતા. પોલીસે જુગાર રમતા રીક્ષા ડ્રાઇવર જાફર રહીમખાન પઠાણ ( ઉ.વ.૩૫, રહે.૧૦૬, ધુમ પેલેસ, આઇ.પી.મિશન સ્કૂલ, પટની કોલોની, રાણીતળાવ, સુરત ), રીક્ષા ડ્રાઇવર સલીમ નસીઉલ્લા અન્સારી ( ઉ.વ ૪૮, રહે.ખજૂરાવાડી, ધાસ્તીપુરા), ખાનગી નોકરી કરતા શકીલ ઇકબાલ બિલીવાલા ( ઉ.વ.૩૦, રહે.ગુલશનપાર્ક, વરીયાવી બજાર ),વેપારી જાવેદખાન અનવરખાન પઠાણ ( ઉ.વ.૩૦, રહે.સૈયદપુરા પંપીંગ, લાલગેટ ), વેપારી અબ્દુલગફાર અબ્દુલસત્તાર શેખ ( ઉ.વ.૫૦, રહે.વરીયાવી બજાર, કોળીવાડ, લાલગેટ), વેપારી આરીફ ઇદરીસ વોરા ( ઉ.વ.૪૫.રહે. ભંડારીવાડ, રાહત મહોલ્લો, સૈયદપુરા), વેપારી સોહેલ મુસાભાઇ ઘાસવાલા ( ઉ.વ.૩૩, હોડી બંગલા રાહત મહોલ્લો, લાલગેટ), રીક્ષા ડ્રાઇવર સિરાજ યાકુબભાઇ પટેલ ( ઉ.વ.૩૪.રહે. રંગઅવધૂત સોસાયટી, રામનગર, રાંદેર )ને ઝડપી લીધા હતા. પોલીસે જુગારીઓ પાસેથી ૧,૦૪,૦૦૦ કબજે કર્યા હતા. પોલીસે જુગારીઓની સાથે મકાન માલીક જુગારીઓ ને બોલાવી તેમને જુગાર રમવાની તમામ સવલતો પુરી પાડતા  મોહમદ આરીફ અબ્દુલ રહેમાન શેખની પણ ધરપકડ કરી હતી. પોલીસે તેમના વિરુદ્ધ જુગારધારા મુજબ તેમજ જાહેરનામાના ભંગ અને એપેડેમિક એક્ટની કલમ મુજબ પણ ગુનો નોંધી કાર્યવાહી હાથ ધરી હતી.