Tapi mitra News;શહેરના ડુમસ વિસ્તારમાં પાલિકાનો કચરાનો ટેમ્પો બેકાબૂ બન્યો હતો. ત્રણ-ચાર વાહન બાદ મહિલા પુરુષને અડફેટે લીધા ત્યારબાદ જીઈબીના વીજ પોલ સાથે ભટકાયો હતો. ટેમ્પો ચાલક અને સફાઈ કર્મચારી ઈજાગ્રસ્ત થતા સારવાર અર્થે હોસ્પિટલ ખસેડવામાં આવ્યા હતા. ડુમસ વિસ્તારમાં આવેલી નાની બજારમાં એક પાલિકાનો કચરાનો ટેમ્પો ચાલકે સ્ટિયરીંગ પરથી કાબૂ ગુમાવ્યો હતો. જેથી ત્રણ-ચાર વાહનોને અડફેટે લીધા બાદ બે મહિલા પુરૂષને પણ અડફેટે લીધા હતા અને ત્યારબાદ જીઈબીના થાંભલામાં ઘૂસી ગયો હતો. જેથી વીજપોલ નમી ગયો હતો. અડફેટે આવેલા મહિલા અને પુરૂષને ખાનગી હોસ્પિટલમાં ખસેડવામાં આવ્યા હતા. જ્યારે ટેમ્પો ચાલક અને સફાઈ કર્મચારી ઈજાગ્રસ્ત થતા સારવાર અર્થે સિવિલ હોસ્પિટલ ખસેડવામાં આવ્યા હતા.