Tapi mitra News;રત્ન કલાકારો સહિત સૌરાષ્ટ્રીયનો અને અન્ય વિસ્તારના રહીશો પોતાના વતન જઈ શકે તે માટે લોકડાઉનના સમયગાળામાં સુરત એસટી વિભાગે ૫૭૦૮ એક્સ્ટ્રા એસટી બસો સુરતથી ઉપાડી હતી, જેમાંથી ૭૬ ટકા માત્રને માત્ર અમરેલી અને ભાવનગર માટેની હતી.સુરત એસટી વિભાગ દ્વારા છેલ્લા પંદર દિવસથી કારીગર અને શ્રમિકોને તેમના વતન પહોંચાડવા એક્સ્ટ્રા બસનું સંચાલન કરવામાં આવી રહ્યું છે. ગઈકાલ તા. ૨૦મી સુધીમાં ૫૭૦૮ એસટી બસો દ્વારા ૧.૭૦ લાખથી વધુ પ્રવાસીઓને વતન લઈ જવાયા છે. સોશિયલ ડિસ્ટન્સિગનો અમલ કરવાનો હોવાથી એક બસમાં ૩૦પ્રવાસીઓની અનુમતિ આપવામાં આવી છે. સુરતથી સૌથી વધુ અમરેલી, ભાવનગર તથા જૂનાગઢના વતનીઓએ કોરોના સંક્રમણને કારણે ઊભી થયેલી પરિસ્થિતિમાં સુરત છોડવાનું પસંદ કર્યું છે. અમરેલી અને ભાવનગરના ૧.૩૦ લાખ પ્રવાસીઓએ સુરત છોડ્યું છે. આ બે શહેરો માટે સુરતથી ૪૩૭૦ બસ રવાના કરવામાં આવી હતી.