Tapi mitra News:એક પુત્રીએ પિતા પર પેટ્રોલ છાંટી જીવતો સળગાવી નાખવાનો પ્રયાસ કર્યો હોવાનો ચોકવનારો બનાવ સોનગઢ પોલીસ ચોપડે નોંધાયો છે.જેને લઈ પંથકમાં ચકચાર મચી જવા પામ્યો છે. મળતી માહિતી અનુસાર સોનગઢ નગરમાં આવેલ પિપળ ફળિયામાં રહેતા રાજેન્દ્રભાઇ મોતીલાલભાઇ જૈન (ઉ.વ.60) નાઓ ગઈ કાલે બપોરના સમયે આશરે 12:00 કલાકના અરસામાં ઘરે આવતા બહાર ઉભેલી પુત્રી તેજલે પિતા સાથે બોલચાલો કરી ઝગડો કર્યો હતો,અને પિતાને ખરીખોટી સંભળાવતા જણાવેલ કે"તમે કોઈ કામ ધંધો કરતા નથી,તમારે ઘરે આવવું નહિ અને તમે અહીં થી જતા રહો" તેમ કહીને તેજલબેન એકદમ ઉશ્કેરાઈ ગઈ હતી.અને ઘર માંથી પેટ્રોલ ભરેલ બાટલો લઇ આવી પિતા રાજેન્દ્રને મારી નાખવાના ઇરાદે તેમના શરીરે પેટ્રોલ નાંખી દીવાસળીથી આગ ચાંપી હતી.રાજેન્દ્રભાઇ આખા શરીરે ગંભીર રીતે દાજ્યા હતા,બૂમાબૂમ કરતા આસપાસ થી લોકો દોડી આવ્યા હતા,જેમને સોનગઢ ખાતે પ્રાથમિક સારવાર કરાવી તાત્કાલિક સુરત સ્મિમીમેર હોસ્પિટલ ખાતે ખસેડવામાં આવ્યા હતા.આજે રાજેન્દ્ર જૈને પુત્રી તેજલ વિરુદ્ધ પેટ્રોલ નાખી જાનથી મારી નાખવાના ગુનાની ફરિયાદ આપી હતી.સોનગઢ પોલીસ મથકે ફરિયાદના આધારે પુત્રી તેજલબેન વિરુદ્ધ ઇપીકો કલમ 307 મુજબ ગુનો દાખલ કરવામાં આવ્યો છે, સમગ્ર મામલે સોનગઢ પોલીસ દ્વારા ઊંડાણ પૂર્વક તપાસ હાથ ધરવામાં આવી છે.