Tapi mitra News:સુરત કલેકટર દ્વારા આવશ્યક ચીજ વસ્તુઓ અને વતન જતાં લોકોને પરવાનગી આપવાની શરૂઆત કરી છે. જો કે કેટલાંક લેભાગુ તત્વો તેનો લાભ ઉઠાવી લોકોની મજબુરીનો લાભ લઇ ખોટી પરમીટો આપી પૈસા ઉઘરાવતા હોવાની ફરીયાદો સામે આવી છે. તેમાં ઝારખંડ જવા માટે લેભાગુ તત્વોએ ત્રણ જેટલી પરમીટો બનાવી હોવાનું સામે આવતા કલેકટર તંત્ર દોડતુ થયું છે. આ અંગે ઉમરાના મામલતદારે ઉમરા પોલીસ મથકમાં આ અંગે ફરીયાદ નોધાવી છે. પોલીસે ગુનો નોધી તપાસ શરૂ કરી છે. આ અંગે મામલતદારે લોકોને અપીલ કરી છે કે,લેભાગુ તત્વોના ઝાંસામાં ન આવી નિયમ પ્રમાણે ઓનલાઇન પરવાનગી માટે અરજી કરો અને તંત્ર તમને જવા માટેની પરવાનગી આપશે. આમ સુરતમાં પણ નકલી પરમીટનું રેકેટ ઝડપાતા તંત્ર હરકતમાં આવ્યુ છે..