વ્યારા:વ્યારા બાયપાસ નેશનલ હાઇવે પર ટ્રક પાછળ કાર ભટકાતા કારમાં સવાર ત્રણ જણાને ઇજા પહોંચી હતી. મળતી માહિતી અનુસાર તા.૭મી મે નારોજ કાકરાપાર પોલીસ મથકની હદ વિસ્તારમાં આવતું કાટગઢ ગામની સીમમાં ટ્રક નંબર જીજે/૦૫/એ/૯૫૨૫ ના ચાલકે પોતાના કબ્જાની ટ્રક પુર ઝડપે અને ગફલતભરી રીતે હંકારી લાવી કાર નંબર જીજે/૦૫/બીએક્સ/૮૪૫૩ ના આગળ ચાલતી હોય અને કોઈપણ પ્રકારની લાઈટ સિગ્નલ આપ્યા વગર ટ્રક અચાનક રોડની બાજુ ઉતારી દેતા કાર સાથે ટ્રકની પાછળના ભાગે અથડાવી દેતા કારમાં સવાર સુરેશભાઈ,પ્રશાંતભાઈ તેમજ ગૌરવભાઈને ઇજા પહોંચી હતી,અકસ્માત થતા ટ્રક ચાલક ફરાર થઈ ગયો હતો,બનાવ અંગે ગૌરવભાઈ પ્રદીપભાઈએ પોલીસ મથકે ફરિયાદ કરી હતી જેના આધારે કાકરાપાર પોલીસ મથકે ટ્રક ચાલક સામે ગુનો દાખલ કરી વધુ તપાસ હાથ ધરવામાં આવી છે.