Tapi mitra News-કોરોનાને કારણે દેશભરમાં લોકડાઉન ચાલી રહ્યું છે, ત્યારે આ વિકટ પરિસ્થિતિમાં ગરીબવર્ગની વ્હારે આવી રાજય સરકાર દ્વારા ગરીબ જરૂરિયાતમંદ લોકોને જીવનજરૂરી વસ્તુઓ મળી રહે તે માટે સતત પ્રયાસ કરવામાં આવી રહ્યા છે. ઉધનાના  જાગૃત્ત જનપ્રતિનિધિ ધારાસભ્ય વિવકેભાઈ પટેલ  દ્વારા ઉધના વિધાનસભાના સંદીપનગર, શિવમનગર, ક્રિષ્નાનગર, ભરવાડ વસાહત, પાંડેસરા જેવા વિસ્તારોમાં ગરીબ જરૂરિયાતમંદ લોકોને ચોખા અને દાળની કીટનું વિતરણ કરવામાં આવ્યું હતું. આ સાથે ધારાસભ્યશ્રીએ લોકોને કોરોના વાયરસની ગંભીરતા અંગે સમજ આપી ઘરમાં રહી કોરોના વાયરસથી સુરક્ષિત રહો તેવા સંદેશા સાથે લોકોને સોશ્યલ ડિસ્ટન્સ જાળવી રાખવાની સૂચના આપી હતી.