Tapi mitra News-ભટાર ટેનામેન્ટ સ્થિત ઇન્ડિયા બેકરી અને પાલી ગામના મની ટ્રાન્સફર સહિતની દુકાન ખુલ્લી રાખવાની સાથે ગ્રાહકોનું ટોળુ એક્ઠુ કરી સોશિયલ ડિસન્ટન્સ નહિ જાળવતા પોલીસે એપેડમીક ડિસીઝ એક્ટ હેઠળ ફરિયાદ નોંધી દુકાનદારોની ધરપક્ડ કરી છે. લોક્ડાઉનમાં આવશ્યક ચીજવસ્તુઓની દુકાનો જ ખુલ્લી રાખવાની છુટ આપવામાં આવી છે. તેમ છતા કેટલાક દુકાનદારો બેરોકટોક દુકાન ખુલ્લી રાખી ગ્રાહકોનું ટોળું એક્ઠુ કરી રહ્યા છે. જે અંતર્ગત ભટાર ટેનામેન્ટ સ્થિત ઇન્ડિયા બેકરીમાં સોશિયલ ડિસન્ટન્સ જાળવ્યા વિના ૧૦થી વધુ ગ્રાહકો એક્ઠા થયેલા હોવાથી દુકાનદાર વિનોદ ગોપીચંદ ગુજરાતી, પાલીગામ ત્રણ રસ્તા નજીક યાદવ નગરમાં આવેલી મારૂતિ મોબાઇલ એન્ડ મની ટ્રાન્સફર નામની દુકાનના માલિક રજનીશ સિકંદર ગૌડ, વિષ્ણુનગર પ્લોટ નં. ૧૪૦માં માયા સ્ટીલ નામની દુકાનમાં સોશિયલ ડીસટન્સ જાળવ્યા વિના ૧૦થી વધુ ગ્રાહકોનું ટોળુ એક્ત્ર કરનાર દુકાનદાર જયપ્રકાશ રાજેન્દ્ર પ્રસાદ, ઉન ગામ તિરૂપતી નગરમાં બુટ-ચંપલની દુકાન ખુલ્લી રાખી ગ્રાહકોનું ટોળુ એક્ઠું કરનાર દુકાનદાર શાહજહાંખાન સોહરાબખાન વિરૂધ્ધ એપેડમિક ડિસીઝ એક્ટ હેઠળ ગુનો નોંધી તમામની ધરપક્ડ કરી છે.