Tapi mitra News-સુરતમાં કોરોનાના લોક ડાઉનના પહેલાં તબક્કામાં પાલિકાતંત્ર દ્વારા માત્ર ગુજરાતી ભાષામાં જ સુચનાઓ આપવામાં આવતી હતી પરંતુ બીજા તબક્કામાં સુરતમાં મોટી સંખ્યામાં રહેતાં ઓરિસ્સાવાસી અને મહારાષ્ટ્રીયન લોકો માટે તેમની ભાષામાં સંદેશા જાહેર કરીને તેમને ગાઈડ લાઈનનું પાલન કરવા માટે અપીલ કરવામા આવી છે. સુરતમાં મહારાષ્ટ્રીયન વસ્તી ૯ લાખથી વધુ જ્યારે ઉડીયાભાષી વસતી ૭.૫૦ લાખ જેટલી હોવાથી પાલિકા કમિશ્નર અને સુડાના સીઈઓ દ્વારા ઉડિયા અને મહાષ્ટ્રીયન ભાષામાં સુચના આપવામાં આવી રહી છે. કોરોના સામે ઝઝુમી રહેલા સુરત પાલિકા માટે સોશ્યલ ડિસ્ટન્સ અને માસ્ક સૌથી વધુ જરૂરી છે પાલિકા તંત્ર દ્વારા રોજ અપીલ કરવામા આવતા હોવા છતાં કેટલાક વિસ્તારમાં હજી પણ માસ્ક અને સોશ્યલ ડિસ્ટન્સનો અભાવ જોવા મળી રહ્યો છે. મીની ભારત એવા સુરતમાં સાડા સાત લાખ ઓરિસ્સાવાસીઓ વસવાટ કરે છે જ્યારે નવ લાખથી વધુ મહારાષ્ટ્રીયન લોકો વસવાટ કરે છે. આવા સમયે તેમની પ્રાદેશિક ભાષામાં સુચના આપવા માટેનો પ્રયાસ પાલિકાતંત્રએ શરૂ કર્યો છે. સુરત પાલિકા કમિશ્નર બન્છાનિધી પાની ઉડીષા ભાષી હોવાથી તેઓએ આજે સુરતમા રહેતાં ઓરિસ્સાવાસીઓને  ઉડિયા ભાષાઓમાં સંબોધન કરીને જાગૃત્ત કર્યા છે. જ્યારે સુડાના સી.ઈ.ઓ. તરીકે હાલ સિપ્રાજી ફરજ બજાવે છે તેઓએ મરાઠી ભાષામાં મહારાષ્ટ્રીયન લોકોને અપીલ કરી છે. આ બન્ને ભાષામાં સોશ્યલ ડિસ્ટન્સ રાખવા , કોઈ પણ ખરીદી કરવા જાવો ત્યારે હાથ ધોવા, ગરમ પાણી પીવા સાથે મીઠાના પાણીના કોગળા કરવા સાથે માસ્ક અને સેનેટાઈઝરનો ઉપયોગ કરવા માટેની અપીલ કરી છે. આ પહેલાં માત્ર ગુજરાતી ભાષામાં પાલિકાકમિશ્નર સંબોધન કરતાં હતા હવે ગુજરાતી સાથે હિન્દી અને ત્યારબાદ ઉડીયા , મહારાષ્ટ્રીયન ભાષામાં સંબોધન કરવામા આવી રહ્યું છે.