હનીફ માંજુ દ્વારા ભરૂચ:વડોદરાના ભુતડીઝાંપા વિસ્તારનો એક યુવાન મિત્ર સાથે આમોદ નાનીના ઘરે આવી ગયો હતો. જ્યારે સુરત રહેતો રાઠોડ પરિવાર બાઇક પર લોકડાઉનનો ભંગ કરી વતન જંબુસરના ડાભા ગામે આવ્યો હતો.પોલીસે બનાવો અંગે પોલીસે ગુનો નોંધી કાર્યવાહી હાથ ધરી છે. જંબુસર તાલુકાનાડાભા ગામના રાજપૂત ફળિયામાં રહેતાં રતનસિંગ ઉર્ફે સુખદેવસિંગ રાઠોડ તેમજ તેમની પત્ની મધુબેન અને પુત્ર જયદેવ સુરતના ઉતરાણ ખાતે રહેતાં હતાં.ગત ૨૩મીએ ત્રણેય બાઇક પર ઉતરાણથી ડાભાગામે આવ્યાં હતાં. જે અંગે વેડચ પોલીસે તેમની સામે ગુનો નોંધ્યો હતો. બીજા બનાવમાં વડોદરાના ભુતડીઝાંપા, લિંમડીફળિયુ, નવા બજાર વિસ્તારમાં રહેતો સુનિલ ભગવાન મકવાણા ગત ૧૭મી એપ્રિલના રોજ તેના મિત્ર શબ્બીર આલમ(રહે. ડાભા, જંબુસર) સાથે વડોદરાથી આમોદ તેની નાની સુરજબેન મોહનભાઇ વસાવાને ત્યાં ભાગી આવી સંતાયેલો હતો. જે અંગે આમોદ પોલીસને જાણ થતાં આમોદ પોલીસે સુનિલ તેમજ તેના મિત્ર શબ્બીર વિરૂદ્ધ ગુનો નોંધી આગળની કાર્યવાહી હાથ ધરી છે.