ઈકરામ મલેક દ્વારા રાજપીપળા:નર્મદા જિલ્લાના ડેડીયાપાડા તાલુકાના માથાવલી ગામની સીમમાં સગીરાને એકલી જોઈ મોજડી ગામના યુવાને બળાત્કાર નો પ્રયાસ કરતા સગીરા એ બુમાબુમ કરતા યુવાન ભાગ્યો ગયો હતો. પ્રાપ્ત માહિતી મુજબ ડેડીયાપાડા તાલુકાના એક ગામની સગીર વયની દીકરી ખેતરમાં ઝાડ નીચે બેસી આરામ કરતી હતી તે વખતે મોજડી ગામનો ઉમેશ રાયસીંગ વસાવા તેને એકલી જોઈ પાછળથી પકડી જબરજસ્તી તેના ખેતરથી નજીક આવેલ નદી તરફ બદકામ કરવાના ઈરાદે ખેંચી અપહરણ કરી લઈ ગયો તે સમયે સગીરા પ્રતિકાર કરી હાથ છોડાવવા જતા ઉમેશે તેનો હાથ મચેળી નાંખતા બાળકી એ હાથ છોડાવી બુમાબુમ કરતા ઉમેશે આ વાત કોઈને કરીશ તો મારી નાંખીશ તેવી ધમકી આપી ત્યાંથી નાસી ગયો હતો સગીરા સાથે બળાત્કાર કરવાની કોશિશ કરતા આ બાબતે સગીરા એ ડેડીયાપાડા પો.સ્ટે. માં ઉમેશ સામે ફરિયાદ કરતા પોલીસે કાયદેસર કાર્યવાહી કરી હતી.